Ойын арқылы оқыту технологиясы басқа да инновациялық педагогикалық технологиялар сынды оқыту процесінде қолданылатын педагогикалық технология. Бұл технологияны білім беру процесінде қолданудың өзіндік ерекшеліктері мен артықшылықтары бар. Ол сабақ барысын қызықты әрі тартымды етуге, оқушыларды сабаққа қызықтыруға, сабақтың түсінікті әрі қызу өтуіне көмектеседі. Қазіргі таңда білім беру процесін жаһандандыру және білім беру процесін арттыру мақсатында сабақ барысында инновациялық педагогикалық технологияларлы қолданудың маңызы зор.
Мақалада химиядан білім беруде ойын арқылы оқыту және деңгейлеп оқыту технологияларын қолданып, олардың білім беру процесіндегі тиімділігі мен артықшылықтары, ерекшеліктері салыстырылған. Мектеп оқушыларына бұл технологияларды қолданып сабақ өткендегі нәтижелердің тиімділігі сараланып жазылған.