Адамзаттың өсімдік әлеміне тамақ, жем, отын және емдік мақсаттар үшін тәуелділігі осы
планетада адамның өмір сүруімен қатар ежелден келе жатыр. Екінші жағынан, өсімдік
негізіндегі дәрілерге деген сұраныс артып келеді, өйткені олар қауіпсіз, тиімді, үнемді,
экологиялық таза және зиянды әсерлері жоқ. Өсімдік әлемі бағалы дәрілік флораның
айрықша қоры болып табылады, ал бұл өсімдіктерді түрлі ауруларды емдеу үшін пайдалану
б.з.д. 1500 жылына дейін созылады. Ұрпақтан-ұрпаққа адамның негізгі қызмет салаларының
бірі – өсімдік көздерінен алынатын дәрілік қосылыстарды зерттеу және жасау болған. Ежелгі
замандарда өсімдіктердің емдік құндылығы жөніндегі білім тайпалық қауымдарда, ауыл
тұрғындарында және діни қызметкерлерде ғана сақталса, қазіргі дәуірде шөптік дәрілердің
танымалдығы мен оларға деген сенім кеңінен таралған. Шын мәнінде, өсімдіктерден
жасалатын дәрілер туралы білім қоғамның назарында болып, тәжірибеде қолданылып, келесі
ұрпаққа мұра есебінде табысталып отырған. 2015 жылы физиология және медицина
саласындағы Нобель сыйлығы қытай ғалымы Ю Юй Туға берілді, ол артемизинин деп
аталатын ерекше безгекке қарсы препаратты ашып, бұл салаға жаңа серпін берді.
Artemisia L. туысы Asteraceae тұқымдасына жатады және шөптесіндер мен бұталардың
шамамен 500-дей түрін қамтиды. Artemisia түрлерінің көпшілігі көпжылдық, ал біржылдық
және екіжылдық түрлері сирек кездеседі. Антарктидадан басқа Жердің барлық құрлығында
Artemisia тұқымына жататын өсімдіктер өседі. Бұл алуан түрлі тұқым мұхит деңгейінен 4000
метр биіктікке дейінгі кез келген жерде кездеседі. Кейбір танымал түрлері бай
фитохимиялық құрамының арқасында бірнеше емдік қасиетке ие екендігі туралы айтылып
жүр. Мақалада жарық микроскопиясын қолдана отырып, Artemisia vulgaris L. және
A.absinthium L. өсімдіктерінің вегетативті мүшелерінің салыстырмалы морфологиялық және
анатомиялық талдауы жүргізілді, ең маңызды морфо-анатомиялық ерекшеліктер зерттелді.