Бұл мақалада инклюзивті білім беру жағдайында оқушылардың география пәні бойынша
функционалдық сауаттылығын дамытуға арналған заманауи педагогикалық тәсілдер мен әдістер
қарастырылған. Зерттеудің өзектілігі қазіргі білім беру жүйесінде ерекше білім беру қажетті
ліктері бар балалардың сапалы білім алуға тең қолжетімділігін қамтамасыз ету қажеттілігімен
және олардың әлеуетін толық ашуға жағдай жасаумен түсіндіріледі. География пәні кеңістіктік
ойлауды, экологиялық мәдениетті, зерттеушілік және сыни ойлау қабілеттерін дамыту арқылы
оқушылардың функционалдық сауаттылығын қалыптастыруда маңызды рөл атқарады.
Мақалада функционалдық сауаттылық ұғымы тек білім көлемін меңгеру емес, оны өмірлік және
практикалық жағдаяттарда қолдану дағдысы ретінде сипатталады. Зерттеудің басты мақсаты –
инклюзивті ортада географиялық білімді меңгерудің тиімді әдістерін айқындап, оларды педа
гогикалық тәжірибеге енгізудің жолдарын ұсыну. Әдіснамалық тұрғыдан алғанда, зерттеу
барысында теориялық талдау, салыстыру, педагогикалық модельдеу және эмпирикалық сауал
нама әдістері қолданылды. Негізгі гипотеза – оқу процесін оқушылардың жеке ерекшеліктерін
ескере отырып бейімдеу, проблемалық және жобалық оқыту тәсілдерін қолдану, цифрлық және
визуалды технологияларды пайдалану функционалдық сауаттылықты арттыруға тікелей ықпал
етеді. Алынған нәтижелер инклюзивті білім беру жағдайында сараланған тапсырмалардың,
бейімделген оқу материалдарының және интерактивті әдістердің тиімділігін дәлелдейді. Бұл
тәсілдер оқушылардың пәнге деген қызығушылығын, оқу мотивациясын және экологиялық
ойлау қабілеттерін арттырады. Ұсынылған нәтижелер мен әдістемелік ұсыныстар география
мұғалімдеріне арналған тәжірибелік құрал ретінде қолданылып, инклюзивті ортада оқытудың
сапасын жетілдіруге мүмкіндік береді.