Бұл мақалада автордың Қазақстанның киелі жерлер географиясын оқыту тәжірибесі қарастырылған. «Қазақстанның киелі жерлер географиясы» пәні 2020-2021 оқу жылынан бастап әдістемелік нұсқау хатта көрсетілгендей 10 сынып оқушыларына аптасына 1 сағат факультатив сабақ ретінде жүргізіліп келеді. Қазақстанның киелі жерлер географиясын оқыту арқылы елімізде бір-бірімен байланысып жатқан киелі жерлерді тарихи, рухани мұра ретінде болашақ ұрпаққа жеткізу болып табылады. Қазіргі таңда Қазақстан Республикасының жалпы білім беру жүйесінің алдында рухани бай, бәсекеге қабілетті, адамгершілік тазалықты бойына жинаған, жан-жақты үйлесімді дамыған тұлғаны тәрбиелеу міндеті тұр. Кез келген халықтың дамуының негізі – әрқашанда өткеннің даңқты істерін, мәдениеті мен киелі жерлерін есте сақтап, оны мақтан тұтып, ұрпақтан ұрпаққа жеткізуден бастау алып жатады.

Көп жағдайда география пәні бойынша бағдарламалық материалдарда көне қалалар мен киелі орындарға аз көңіл бөлінеді. Аталған элективті курс мектеп бағдарламасы мазмұнын толықтыруға мүмкіндік береді.

Әдістемелік құралды оқу нәтижесінде әрбір оқушы:

• Қазақстанның киелі жерлер географиясы нені зерттейтінін, даму кезеңдерін, киелі географияның негізгі ұғымдарын білу;
• әртүрлі типтердің ерекшеліктерін ашатын сұрақтарды түсіну; (ескерткіштер, діни және ғибадат орындары, киелі орындар және рухани киелі орындар, олардың Алматы облысының тарихы мен мәдениетіндегі рөлі)
• негізгі терминдер мен ұғымдарды қолдана білу, қолдана білу;
• оқудың, тапсырмаларды шешудің, жүргізудің белсенді тәсілдерін игеру;

Оларға қол жеткізуде жаңа оқу технологияларын пайдалану маңызды рөл атқарады.