Біз жүргізген зерттеу, жаңартылған білім беру мазмұнына көшу барысында, жоғары сынып оқушыларының денсаулық жағдайындағы өзгерістердің ерекшеліктерін зерттеуге және анықтауға бағытталған. Жүрек-қантамыр жүйесінің функционалдық күйінің өзгеру ерекшеліктері, ағзаның бейімделу мүмкіндіктері анықталды. Жаңартылған оқыту форматына бейімделу кезеңіндегі 10-сынып оқушыларының гемо-динамикасының жағдайы, жасөспірімдердің жүрек-қантамыр жүйесінің жұмысындағы шиеленіс белгілерін анықтады. Оқу жылы барысында жасөспірімдерде гиподинамикалық процестердің шиеленісуіне, орталық жүйке жүйесінің шаршауына, қан айналымы жүйесінің реттеу механизмдерінің бұзылуына байланысты жүрек-тамыр жүйесінің физиологиялық өзгерістері анықталды.